నీ ప్రేమకోసమే..

అతని ప్రేమకై కన్నవారి ప్రేమకి దూరమయ్యాను
అతని ప్రేమకై అన్నగారి ప్రేమకి దూరమయ్యాను
అతని ప్రేమకై బంధుమిత్రులకు చేదునయ్యాను
అయినా సరే
అన్ని బంధాలు,బంధుత్వాలు తానై నన్ను అల్లుకుపోతాడనుకున్నా
అతని ప్రేమకై నన్ను నేను మార్చుకున్నా
అతనే నేనై ఒదిగిపోయాను..

అన్నివేళలా అతనే నా తోడు,నేను ఆతని నీడ అని భావించాను
అన్నీ వదులుకుని అతనే చాలు అనుకున్నాను,కాని తను
ఏమీ లేనిదానివి,ఎవరూలేని దానివి నాకు వద్దు అన్నాడు
ఎవరూ లేని ఒంటరిని చేసిన అతనంటే నాకు కోపం లేదు
అన్నీ అతనే అయి నన్ను ప్రేమిస్తాడు అన్న ఆశ తప్ప..
అతని ప్రేమ చినుకు పడేవరకూ చిగురించని మ్రానుగా,
ఆ ప్రేమ స్పర్శ కోరే పసిప్రాణంగా నేను ఎదురుచూస్తూనే ఉంటాను
ఎందుకంటే అందరినీ,అన్నీ వదులుకున్నది ఆ ప్రేమ కోసమే కదా..
అన్ని బంధాలు తెంచుకున్నదీ ఈ బంధం పెనవేయడం కోసమే కదా..